Arratia Raid 2027

Zuetariko askok gogoratuko duzuen bezala, hainbat urte pasa dira azken Arratia Raida ospatu genuela. Orduko hartan eguraldiak ez zigun askorik lagundu. Baina lasai, aurten, 2026ko Urriaren 24erako, eguraldia ere kontrolpean daukagu!! 

Raida Ubiden (580 m) hasi  eta Areatzan (140 m) amaituko da, eta bertan, gorbeiako parke naturaleko parajeak ezagutzeko aukera izango duzue; eta ikusten duzuenez aldapan bera egingo zaizue.

Estrategiak garrantzi handia hartuko du. Alde batetik trekinean, rogaine formatoko sekzioa izango bait da; baliza askorekin eta gehienak basoan barrena sartuta ( bideetatik kanpo). Eta bestetik bizikleta sekzioan, orientatzeko erraza izango den arren, helmugara garaiz heltzeko kontuak atera beharko dituzuelako zuetariko askok ( ez dugu uste raideko baliza guztiak askok hartuko dituzuenik). Dena den, bukatzeko, Areatza herria ezagutzeko herri-orientazio bat izango duzue hainbat proba berezirekin, ondo pasatzeko eta horrela, azkarregi helduta ere, puntuak pilatzen jarraitzeko aukera izango duzue. 

Talde bakoitzak ibilbidea bere gaitasun, gogo eta helburuetara egokitu beharko du, ze sekziori eman garrantzi gehien ahalik eta puntu gehien batzeko lasterketak irauten dituen 8 orduetan.